香港 → 紐西蘭 即時報價
填重量同尺寸，即刻出價。落單去 FG Super App。
體積重量 = 長 × 闊 × 高 ÷ 5000。計費重量取實際重量同體積重量之中較大者。20.5kg 或以下逢 0.5kg 進位；21kg 起逢 1kg 進位。
建議輸入尺寸取得更準確運費
如不知道確實尺寸，可先輸入估計重量，我哋會協助你稍後更改。
報好價，落單去 FG Super App
呢版負責查價同解答；落單、申報、交倉、追蹤、發票全部喺 App 完成。App 會喺新視窗打開，呢版報價唔會消失。
★ 紐西蘭食品快線
MPI 持牌。香港食品代購、清關、門到門直送。同行唔敢收嘅食品，我哋合規收得。
★ 帶電池產品快線
學習機、AI 電子產品、耳機等內置電池成品，品牌有 UN38.3 備案就寄得，唔使拆電。純 power bank 充電寶唔收。
線上落單 · 上傳申報表
報完價喺 App 直接落單，申報表一次填好，下次自動帶返品名同 HS 編碼。
交倉預約 · 集運併單
約好時間送貨入香港倉，多件自動併單，慳埋分開寄嘅錢。
貨件追蹤 · 實物相片
入倉、封箱、起飛、到港、派送每一步有記錄，關鍵節點影相俾你睇。
訂單記錄 · 發票下載
過往每一票、每一張發票隨時翻查，月結客對數唔使再問。
香港寄紐西蘭 — 我哋點計你條數
同行報一個總價就算，我哋逐項拆俾你睇。
① 計費重量點嚟
國際快遞按「實際重量」同「體積重量」較大者收費。體積重量 = 長×闊×高÷5000。輕而大件嘅貨（例如衫、公仔）多數按體積重量收，所以量準尺寸好緊要。
② 燃油附加費
燃油附加費由 FedEx 每週公佈，跟油價浮動，全行一樣。我哋每週日自動同步最新率，報價即時反映，唔會事後加收。現時為 跟本週牌價。
③ 21 公斤以上點計
21kg 起改為按每公斤計費，而且逢 1 公斤進位（冇 0.5 級距）。45／71／100 公斤有級距優惠，我哋會自動幫你揀最平嗰個計法 —— 有時報重少少反而更平。
常見問題
香港寄紐西蘭要幾耐？
優先服務（IPE）2–4 個工作天，經濟服務（IE）4–7 個工作天。PAK 入袋服務走優先航線，同樣 2–4 日。以上為海關正常放行嘅情況。
紐西蘭關稅同 GST 點計？
紐西蘭海關對進口貨品按價值及數量徵稅。一般個人物品若應繳稅費總額低於 NZD 60，海關通常不予徵收。商業貨物則按 HS 編碼計算關稅加 15% GST。報完價之後，喺結果區填低貨值就會即時顯示預估稅費，唔使自己計。
香港食品可唔可以寄去紐西蘭？
可以，而且係我哋強項。FG 為 MPI 持牌營運商，設有「紐西蘭食品快線」——香港食品代購、合規申報、清關、門到門直送。包裝食品、乾貨、保健品都做得。含肉類、奶類、蜂蜜、種子嘅產品有額外生物安全要求，落單前同我哋確認品項就得。大部分同行一見食品就拒收，我哋收。
學習機、AI 電子產品呢啲帶電池嘅寄唔寄得？
寄得。內置電池嘅成品，只要品牌本身有 UN38.3 備案（即係電芯做過聯合國運輸安全測試），就可以按規格申報付運，唔使拆電。學習機、AI 電子產品、耳機、小家電呢類都做得。
唯一例外：純 power bank／充電寶寄唔到 —— 呢類本身就係一舊獨立鋰電池，航空規例唔容許以貨物形式付運。落單前將產品型號同 UN38.3 報告發俾我哋，即刻答到你做唔做得。
唯一例外：純 power bank／充電寶寄唔到 —— 呢類本身就係一舊獨立鋰電池，航空規例唔容許以貨物形式付運。落單前將產品型號同 UN38.3 報告發俾我哋，即刻答到你做唔做得。
咁真係唔可以寄嘅有邊啲？
純 power bank／充電寶、噴霧罐、易燃液體、酒精、爆炸品、毒品、仿牌貨、活體動植物、未經許可嘅種子同泥土。呢啲係航空安全同紐西蘭生物安全嘅硬性限制，冇人做得到。唔肯定就發張相俾我哋，即刻答到你。
信件同文件有冇優惠？
有。信件同純文件另有優惠價，因為重量同申報方式同包裹唔同，請直接聯繫我哋報價。
超過 45 公斤點算？
45 公斤以上快遞級距優惠幅度已經好細，走空運集運通常更划算。呢類大貨我哋會安排專人報價，請喺報價頁撳「大貨空運詢價」留低資料。
報完價點落單？
撳報價卡上面嘅「立即寄件」，App 會喺新視窗打開，呢版報價一直留住，你可以兩個視窗並排對住抄。喺 FG Super App（fgsuper.glide.page）入面落單、填申報表、預約交倉、追蹤貨件同下載發票。新客可以用 WhatsApp 搵我哋開戶。
App 都有報價，同呢版有咩分別？
同一張費率表，同一個價，唔會報得唔同。分別喺覆蓋範圍同場景：App 嘅即時試算做到 20.5 公斤；21 至 100 公斤要喺呢版報，仲會自動幫你搵 45／71／100 公斤嘅級距跳點，報重啲反而更平。另外好多客喺公司開緊電腦，唔會特登攞手機出嚟查運費 —— 呢版就係桌面入口。查完價，落單一律返 App。
報價包唔包稅？
報價為運費加燃油附加費，未含紐西蘭進口關稅及 GST。稅項由收件人於清關時支付，或可安排 DDP 包稅，請聯繫我哋。